2018-жылы 9-сентябрь күни Факультет Жаслар аўкамы жетекшилигине сайлаў өткизилип, сайлаўда Факультет Жаслар аўкамы басланғыш шөлкеми жеткшиси етип нефть ҳәм газ кәнлерин иске түсириў ҳәм олардан пайдаланыў бакалавр тәлим бағдары 4-курс студенти Д.Абаданов сайланды. Жаслар аўкамы басланғыш шөлкеми арнаўлы реже тийкарында студент жасларды Ўатан сүйиўшилик руўхында тәрбиялаў, саламатлығын беккемлеў ҳәм олардың бос ўақытларын мазмунлы шөлкемлестириўде ҳәр қыйлы таңлаўлар, интеллектуал ойынлар, ушырасыўлар, әдебий кешелер ҳәм спорт жасрыслары өткерилип келинбекте.

Жаслар арасында саламат турмыс тәризини беккемлеў, нәшебентлик,  шылым шегиў, ишиўшилик сыяқлы жаман иллетлердиң алдын алыў мақсетинде ҳәр қыйлы ис илажлар алып барылмақта. Мысал ретинде “Биз саламат турмыс тәризи тәрепдарымыз”, “Спорт – саламат турмыс гиреўи”, “Қоршаған орталықты қорғаў” атамаларында акция өткерилди. Бул акцияда факультетимизден 700 ге жақын студент жаслар белсене қатнасты.

“Денсаўлық бул терең байлық” ураны астында спортың футбол, волейбол, баскетбол, теннис ҳәр қыйлы жарыслар өткерилмекте.

Факультетимизде 71 академиялық топар болып ҳәр бир топарда Жаслар аўқамының топар жетекшилери сайланды ҳәмде ҳәр бир студент Жаслар аўқамы басланғыш шөлкемине ағза болып, жаслар аўқамы басланғыш шөлкеми илажларында белсене қатнасып келмекте.

Сондай-ақ, Өзбекстан Жаслар аўқамы басланғыш шөлкеми тәрепинен өткерилип атырған ҳәр кыйлы таңлаўлар ҳәм мәдений илажларда студент жасларымыз белсене қатнаспақта.