Химиялық технология кафедрасы 1993-жылы Қоршаған орталықты қорғаў ҳәм тәбийий ресурсларды үнемлипайдаланыў кафедрасы болып жумыс баслады. 1996-жылдан баслап химия факультетинде химик, химик-технолог кадрларды таярлап басланыўы менен кафедраның атамасы  Органикалық емес химия ҳәмхимиялық технология кафедрасы етип өзгертилди. Кафедраға доцентлер  Б. Танирбергенов (1993-1994),  Б. Жарекеев (1994-2005), М.Айымбетов (2005-2006), Б. Алламбергенов (2006-2009), Б. Нурымбетов (2009-2012), М. Айымбетов (2012-2018) басшылық етти. 2018-жылдан баслап кафедраға доцент Б. Хожаметова басшылық етпекте.

Кафедрада 5320400 – Химиялық технология, 53320900 – Жеңилсанаат буйымлары конструкциясын ислеў ҳәм технологиясы, 5111000 – Кәсипликтәлим (химиялық технология)   5321000 – Азык аукат санааты технологиясы 5320300 – Технологиялык машиналар хам курылмалар бакалавр бағдарлары бойынша кадрлар таярланбақта.

Кафедра дүзилген ўақыттан баслап инженер – технолог кадрларды таярлаўға үлкен дыққат бөлинди. Усы мақсетте кафедра оқыў ,әмелият ҳәм илимий изертлеў бағдарлары бойынша Ташкент химия технология институты, Ташкент тоқымашылық ҳәм жеңил санааты институты, ӨзР ИА Улыўма ҳәм органикалық емес химия институты, «Навоиазот» ЖШЖ, «НөкисМираб» ААЖ, «Қоңырат сода заводы» УК, «НУКУС-ТЕКСТИЛЬ» ААЖ, «ASIA SILK ВЪЕТНАМ ШУЪБА» ААЖ ҳәм «ELITE STARS TEXTILE» ААЖ сияқлы кәрханалар менен бирге ислесип атыр.

Студентлерге билим бериўдиң сапасын арттырыў мақсетинде кафедраға ҳәр жылы Өзбекстандағы химиялық технология ҳәм тоқымашылық санааты бойынша жетекши қәнигелер шақырылып сабақлар өтилип атыр.

Кафедра қәнигеликлериниң әмелиятлары өндирис орынлары болған ТТЖСИ, «Навоиазот» ЖШЖ, «НөкисМираб» ЖШЖ, «Қоңырат сода заводы» ЖШЖ, «НУКУСТЕКСТИЛЬ» ЖШЖ, «ASIA SILK ВЪЕТНАМ ШУЪБА» ЖШЖб «Нукус Полимер»  ЖШЖ ҳәм «ELITE STARS TEXTILE» ЖШЖ, ӨзР ИА ҚҚ бөлими ТИБИ илимий лабораторияларында өткерилип атыр.

Кафедрада ислеп атырған илимий дәрежели профессор-оқытыўшылар

 

 

Хожаметова  Бийбимарьям  Қайповна, техника илимлериниң кандидаты. 1968-жылы 23-январьда Қараөзек районында туўылған. 1991-жылы Нөкис мәмлекетлик университетин тамамлаған. Қәнигелиги химик, химия оқытыўшысы. 2012-жылы «Строительная керамика с улучшенными свойствами на основе карбонат содержащих глин Каракалпакстана» темасында кандидатлық диссертациясын жақлады. 45 дан аслам илимий мийнетлери баспада жәрияланды.

Соның ишинде 4 оқыў қолланбасы баспадан шықты. 2018-жылдан баслап кафедра баслығы.

 

Турманов Имаматдин, техника илимлериниң кандидаты, профессор. 1941-жылы 16-декабрьде Тахтакөпиррайонындатуўылған. 1963-жылы Қарақалпақ мәмле-кетлик педагогикалық институтын тамамлаған. Қәнигелиги физика ҳәм улыўма техника пәнлери оқытыўшысы . 1981-жылы «Исследование физико-механических свойств волокон хлопка со структурой» темасында кандидатлық диссертациясын жақлады. 70 тен аслам илимий мийнетлери баспада жәрияланды. Соның ишинде, 1 оқыўлық ҳәм 2 методикалык қолланбасы баспадан шықты. 2015-жылдан баслап кафедра профессоры.

 

 

 

 

Қурбаниязов Рашид Қалбаевич, техника илимлериниң кандидаты. 1981-жылы 10-августта Кегейли районында туўылған. 2003-жылы Қарақалпақ мәмлекетлик университетин тамамлаған. Қәнигелиги химик. 2011-жылы «Технология сложного азотно-фосфорного удобрения на основе сплава аммиачной селитры и фосфоритов Центральных Кызылкумов» темасында кандидатлық диссертациясын жақлады. 40 дан аслам илимий мийнетлери баспада жәрияланды. Соның ишинде, 1 оқыў қолланбасы баспадан шықты.2014-жылдан баслап кафедра доценти лаўазымында ислеп атыр.

 

 

Маденов Бердимурат Даулетмуратович, техника илимлериниң кандидаты. 1984-жылы 21-июльда Кегейли районында туўылған. 2008-жылы Ажинияз атындағы НМПИ тамамлаған. Қәнигелиги химик. 2018-жылы «Разработка технологии получения термостабильной аммиачной селитры с неорганическими добавками». Темасында кандидатлық диссертациясын жақлады. 36 дан асламилимий мийнетлери баспада  жәрияланды. .

 

Сондай-ақ, кафедрада үлкен оқытыўшылар З.Бекмуратова, С.Айтымбетов, ассистенты А.Жолдасова, М.Шамуратов, А.Нурыллаева, Ғ.Алланиязов, Ш.Мусиров, А.Юлдашев, Р.Оразбаева, А.Туремуратова, М. Адилхановалар ислеп атыр