Факультетте Кураторлар Кеңеси өз жумысын алып бармақта. Факультет Кураторлар кеңеси баслығы етип органикалық ҳәм органикалық емес химия кафедрасы ассистенти А.Султанов сайланды. Факультет кураторлар Кеңесиниң қурамы 5 адамнан ибарат болып, кеңес қурамына оқыў ислери бойынша декан орынбасары Б.Палўанов, жаслар менен бирге ислесиў бойынша декан орынбасары Г.Султанов, физикалық ҳәм коллоидлық химия кафедрасы ассистенти Р.Қалимбетова, химиялық технология кафедрасы үлкен оқытыўшысы З.Бекмуратовалар сайланды. Факультетте 71 академиялық топар болып оларға 52 профессор-оқытыўшылар куратор етип бириктирилген. Факультет Кураторлар Кеңеси тастыйықланған реже тийкарында жумыслар алып бармақта. Атап айтқанда, факультетте ҳәр ҳәптениң 5-күни өткерилетуғын «Ахборот ҳәм кураторлық саатының» өз ўақтында үзликсиз өткерилиўин қадағалап барады. «Ахборот ҳәм кураторлық сааты» нда топар кураторлары Өзбекстан Республикасы жоқары ҳәм орта арнаўлы билим министрлиги тәрепинен таярланған Республикамыз ҳәм жәҳанде жүз берип атырған социаллық-экономикалық ҳәм сиясий жаңалықлар менен бирге студент жаслардың тәлим-тәрбиясы, университет ишки тәртип-қағыйдалары менен таныстырып барылады.   Сондай-ақ, топар кураторлары арнаўлы реже тийкарында ҳәр айдың соңгы ҳәптесинде студент жасларды Ўатан сүйиўшилик руўхында тәрбиялаўға қаратылған «Руўхыйлық күни» мәдений илажлар, ушырасыўлар ҳәм сәўбетлесиўлер өткерип келмекте.