– Биз ҳәр күлгенимизде бет әлпетимиздеги 17 буўын ҳәрекетке келеди. Көп күлетуғын инсанлардың бетлерине кемирек әжим түсиўи илимий жақтан дәлилленген.

– Қол ҳәм аяқларымыздағы бармақлардың ҳәр бирин өмиримиз даўамында орташа 25 миллион рет бүгер екенбиз.

– Биз ҳеш қашан көзлеримиз ашық ҳалында түшкире алмаймыз.

– Жаңа туўылған нәрестени рентген еткенде онда 300 сүйек барлығын көриў мүмкин. Ересек адамлардың денесинде болса 206 сүйек болады.

– Көп жағдайларда биз уйқылағанымызда көрген түсимизди еслей алмаймыз. Бирақ, алымлар ҳәр бир инсан жылына орташа 1460 рет түс көриўин анықлаған.

– Дүньядағы  ең кишкене қус – калибридиң салмағы бары – жоғы 1,5 грамм болып, ол бул салмақ пенен аяғында да тура алмайды екен.

– Электр шырақларын ойлап тапқан Томас Эдисон қараңғылықтан қорыққанлығы соншелли ҳеш қашан қараңғы үйге кирмес екен. Мағлыўматларға қарағанда, ол қараңғылықтан қорқыўдан азап шеккен усайды.

– Дүньядағы бәрше самал дигирманы саат стрелкасына қарсы ҳәрекетленеди. Тек ғана Ирландия ҳаўа дигирманлары саат стрелкасы бойынша ҳәрекет етеди.

– Дүньядағы дәслепки ҳаял-өызлар газетасы 1798 жылы – Германияда басылып шыға баслады. «Фрауэнциммер цайтунг» деп аталатуғын бул газетада тек ғана ҳаяллар ҳаққында айтылар екен.

 

                             Баспасөз материаллары тийкарында таярлаған:

                                                    Гөззал Жалгасова

                            Химия-технология факультети 1-курс студенти