14-январь – Өзбекстан Республикасы Қураллы Күшлери дүзилгениниң 28 жыллығы ҳәм Ўатан қорғаўшылары күни байрамы мүнәсибети менен жақында университетимиздиң химия-технология факультетинде илаж шөлкемлестирилди.

Ушырасыўда Өзбекстан Республикасы Миллий гвардиясы Қарақалпақстан Республикасы басқармасынан келген әскерий хызметкерлер – Ә.Қалмуратов, Ж.Олимжонов, Б.Атамуратовлар қатнасыўшыларға әскерий бөлимлерде жаратылған имканиятлар хаккында айтип өтти.

Сондай-ак, олар өзлериниң шығып сөйлеўлеринде мәмлекетимиз тәрепинен әскерий хызметкерлерге жаратылған жеңилликлер ҳаққында кең түрде атап өтти.

Ушырасыўда Бердак атындағы Қарақалпақ Мәмлекетлик Университетинде әскерий усыныснама тийкарында оқыўға қабыл етилген студентлер де оқыў ҳәм билим алыў ушын өзлерине жаратылған имканиятлар ҳаққында сөзге шығып, бәршени байрам менен қутлықлады.

Ушырасыў соңында факультеттиң жаслар менен ислесиў бойынша декан орынбасары Ғ.Султанов келген мийманларды қутлықлап, оларға өз миннетдаршылығын билдирди.

Н.Узақбергенов, У.Жуматов,

Химия-технология факультетиниң студентлери.