Факультет тарыйхы

Fakultet 1943-jılı Muǵallimler institutınıń quramında «Tábiyattanıw-geografiya bólimi» bolıp shólkemlestirilgen, sońınan 1948-jılı fakultetke aylandırıldı. 1976-jılı Nókis mámleketlik universiteti ashılıwına baylanıslı, bul fakultet «Ximiya-biologiya fakulteti» bolıp qayta dúzildi.

1991-jılı óz aldına «Ximiya fakulteti» ashıldı. 1991-1995 jj. doc. J.Qurbanov, 1995-2000 jj. doc. K.İbraimov, 2000-2005 jj. B Bektursınov, 2005-2006 jj. doc. R.Tlegenovlar fakultet dekanı lawazımında miynet isledi.

2006-jılı 12-dekabrden jańa injener-texnolog qánigelerdi tayarlaw tarawları ashılǵanı sebepli «Ximiya-texnologiya fakulteti» bolıp qayta shólkemlestirildi hám 2006-2012 jj. doc. M.Ayımbetov, 2012-2013 jj. B.Nurımbetov, 2013-2014 jj A.Pirniyazov, 2014-2017 jj D.Tureniyazova, 2017-2018 jj R.Kurbaniyazovlar fakultetti basqardı. 2018 jıl iyun ayınan baslap fakultetke ximiya ilimleriniń kandidatı, docent B.Nurımbetov basshılıq etpekte.

Fakultet kafedraları:

  1. Organikalıq hám organikalıq emes ximiya kafedrası
  2. Fizikalıq hám kolloidlıq ximiya kafedrası
  3. Ximiyalıq texnologiya kafedrası

 

Bilimlendiriw sisteması

Bakalavriat baǵdarları:

  1. 5140500 – Ximiya
  2. 5320400 – Ximiyalıq texnologiya (organikalıq emes zatlar)
  3. 5321000-Azıq – awqat texnologiyası (gósh – sút hám konserva ónimleri)

 

Magistratura qánigelikleri:

  1. 5A140501 – Ximiya (tálim baǵdarı boyınsha)
  2. 5A320401 Ximiyalıq texnologiya (organikalıq emes zatlar)
  3. 5A320401 Ximiyalıq texnologiya (organikalıq emes zatlar) (qospa tálim baǵdarlaması tiykarında)

Doktorantura qánigelikleri:

  1. 02.00.13 – organikalıq emes zatlar hám olar tiykarında materiallar texnologiyası

 

Professor-oqıtıwshılar quramı

Kafedralarda ilimiy-pedagogikalıq iskerligin 48 professor-oqıtıwshı, qosa islew tiykarında 6 oqıtıwshı alıp barmaqda, solardan 2 ilim doktorı, professor A.Reymov hám M.Allaniyazova; 14 ilim kandidatları – doc. B.Nurımbetov, doc. A.Sharipova, doc. Z.Djumanazarova, doc. B.Xojametova, doc.B.Tanirbergenov, doc M.Ayımbetov, doc. D.Tureniyazova, doc. G.Genjemuratova, doc. M.Djumamuratova, doc. K.Uteniyazov, doc. Z.Uzaqbergenova, doc. A.Pirniyazov, doc. Z.Djumanova, doc. M.Madenov hám O.Seytnazarova. Qosa islew tiykarında belgili ilimpazlar: Ózbekstan Respublikası İlimler akademiyası Ulıwma hám organikalıq emes ximiya institutı ilimiy xızmetkerleri: akademik Sh.Namazov, profesor A.Seytnazarov h.t.b.lar jumıs alıp barmaqda.

 

Ilimiy-izertlew iskerligi

Fakultet professor-oqıtıwshılar sabaq ótiw menen birge ilimiy jumıslardı da orınlap kelmekte. Fakultette Mámleketlik byudjetten qarjılandırılǵan B.Nurımbetov basshılıǵında 2017-2018 jılları OT-A-14-25 «Modifikaciyalangan vermikulit asosida issiq saqlovchi kompozicion materiallarni tarkibini va texnologiyasini ishlab chiqish» temasında hám 2018-2020 jılları M.Allaniyazova basshılıǵında PZ-2017092765 «Shirinmiya ildizpoyasidan ajratilgan glicirrizin kislotasi asosida buǵdoyning wsishini muvofiqlashtiruvchi, fungicidlik xususiyatga ega bwlgan preparat yaratish va olish texnologiyasini ishlab chiqish» temalarında ilimiy grantlar orınlandı.

Fakultette 2021-2023 jılları orınlanıwı mólsherlengen «Qaraqalpaqstan aymaǵında ishimlik suwı hám sanaat kárxanalarınıń texnologik suwların tazalaw ushın jergilikli shiyki zatlar (kómir, bentonit) den sorbentler alıw texnologiyasın islep shıǵıw” temasındaǵı (basshısı docent A.Sharipova) ilimiy grant orınlanmaqta.

İlimiy kadrlardı tayarlaw boyınsha fakultette bir qansha jumıslar orınlanbaqta. 2020 jılı M.Allaniyazova, 2021 jılı A.Abdikamalovalar ilim doktorı dárejesin alǵan bolsa, 2021 jılı O.Seytnazarova hám G.Dosanovalar filosofiya doktorı (PhD) ilimiy dárejesin iye bolǵanın atap ótsek boladı.

Fakultet studentleri ózleriniń ámeliyatların “Qońırat soda zavodı”, “Qaraqalpaqcement”, “Titancement”, “Nókis polimer”, Ózbekstan İlimler akademiyası Qaraqalpaqstan bólimi institutlarında alıp barmaqta.

Xalıqaralıq birge islesiwler

Fakultet shet ellerdiń ilimiy hám joqarı oqıw orınları menen tıǵız baylanıs ornatqan. Atap aytqanda, Belorussiya mámleketlik texnologiya universiteti, Belorussiya milliy İlimler Akademiyası Ulıwma hám organikalıq emes ximiya institutı, Ukraina Milliy ilimler akademiyası Chuyko atındaǵı Sırt júzeler ximiyası institutı, Kiev milliy universiteti, Xarkov milliy universiteti, Gumelev atındaǵı Evroaziya mámleketlik universiteti h.t.b.

Fakultet professor – oqıtıwshıları shet ellerdiń belgili ilimiy izertlew oraylarında hám joqarı oqıw orınlarında tájiriybe almasıw hám stajirovka ótip kelmekte.