Ximiya-texnologiya hám Matematika fakultetinde Korrupciyaǵa qarsı gúresiw boyınsha májilis bolıp ótti

Berdaq atındaǵı Qaraqalpaq mámleketlik universitetiniń Matematika hám Ximiya-texnologiya fakultetinde Korrupciyaǵa qarsı gúresiw boyınsha májilis bolıp ótti. Májliske Korrupciyaǵa qarsı gúresiw bóliminiń baslıǵı K.Uteniyazov hám QMU psixologi G.Reyimbaeva, QMU studentlerdi turaq jay menen támiyinlew jumısların muwapıqlastırıw bólim baslıǵı M.SHrazov, sonday-aq  matematika hám Ximiya-texnologiya fakulteti dekanı, professor-oqıtıwshılar, tyotorlar qatnastı. Májilisti matematika hám Ximiya-texnologiya fakulteti dekanları sózge shıǵıp, búgingi kúnde mámleketimiz tárepinen korrupciyaǵa qarsı ǵúresiw boyınsha alıp barılıp atırılǵan ilajlar haqqında aytıp ótti. Bunnan soń, Korrupciyaǵa qarsı gúresiw bóliminiń baslıǵı K.Uteniyazov shıǵıp sóyledi hám ol óz sózinde Ózbekstan Respublikası Prezidentiniń 2017-jıl  2-fevraldaǵı «Korrupciyaǵa qarsı gúresiw haqqında»ǵı Ózbekstan Respublikası Nızamınıń qaǵıydaların ámelge asırıw ilajları haqqında»ǵı PQ-2752-sanlı qararı hám usı qarar menen tastıyıqlanǵan Mámleketlik baǵdarlamada belgilengen wazıypalarǵa toqtap ótti.