QMU jámááti Nawrız bayramı seyillerine belsene qatnastı

Húrmetli Prezidentimiz tárepinen qabıl etilgen arnawlı Qarar tiykarında «Hár kúniń Nawrız bolsın, janajan Ózbekstanım!» súreni astında pútkil elimiz boylap bayram seyilleri kóterińki ruwxta ótkerilmekte. Usı tiykarda Paytaxtımız Nókis qalasındaǵı I.V.Savickiy atındaǵı Qaraqalpaq mámleketlik kórkem óner muzeyi aldında ulıwma xalıqlıq teatrlastırılǵan bayram tamashaları bolıp ótti.

Xalıq seyiline aylanǵan bayramǵa Berdaq atındaǵı Qaraqalpaq mámleketlik universiteti jámááti belsene qatnasıp, kelgen miymanlarımız ushın qara úyler tigildi. Bul tigilgen qara úyler átirapında milliyligimizdi sáwlelendiretuǵın hár qıylı kórgizbeler, qol ónerleri, sonıń menen bir qatarda, keshemiz miymanlarına qaraqalpaq, ózbek, qazaq, túrkmen, rus hám basqa da xalıqlar doslıǵın ulıǵlawshı qosıq hám ayaq oyınlar atqarılıp berildi.