Mektep mugallimleri menen ushırasıw

Universitetti pitkergen kópshilik studentler ózleriniń miynet jolın Respublikamızda jaylasqan ulıwma bilim beriw mekteplerinde muǵallimshilik kásibinen baslaydı. Usınday, Respublikamızda jaylasqan ulıwma bilim beriw mektepleriniń ximiya páni muǵallimleriniń bir toparı universitetmizdiń Ximiya-texnologiya fakultetinde bolıp, fakultet turmısı menen tanıstı. Olar fakultettegi ximiya laboratoriyaların, oqıw auditoriyaları, fakultette islep atırǵan professor-oqıtıwshılardıń ilimiy iskerligi menen tanıstı. Fakultet dekanı B.Nurımbetov fakultette alıp barılıp atırǵan oqıw, ilimiy, ilimiy-metodikalıq hám tárbiyalıq jumıslar haqqında aytıp berip, fakultet professor-oqıtıwshılarınıń ulıwma bilim beriw mektepleri menen birge islesiw zárúrligin, olarǵa universitet tárepinen kórsetiliwi múmkin bolǵan járdemler haqqında aytıp ótti. Óz gezeginde muǵallimlerde mektepte ximiya pánin oqıtıwda dus kelip atırǵan qıyınshılıq, olardıń sheshimin birgelikte islesiw arqalı saplastırıw múmkin ekenligin aytıp ótti. Ushırasıwda qatnasıwshılar óz-ara pikirler almastı hám birge islewge kelisip alındı.