Jumıs beriwshiler menen ushrasıw keshesi

Búgin, usı jıldıń 19-aprel kúni Ximiya-texnologiya fakultetinde bilimlendiriw tarawı wákilleri menen ushırasıw bolıp ótti. Ushırasıwda universitetimiz marketing xızmeti bólimi qánigesi F.Maqsetov, Shımbay rayonına qaraslı 38-sanlı mekteb direktorı G.Abdullaeva, Qaraqalpaq Màmleketlik Universiteti akademiyalıq licey metodisti A.Yusupov, fakultet professor oqıtıwshıları hàmde 4-kurs studenleri qatnastı.

Ilajdı fakultet dekanı B.Nurımbetov kiris sòz benen ashıp, pitkeriwshi kurs studentlerin jumıs benen tàmiynlew màselesinde bùgingi kùnde fakultette alıp barılıp atırǵan jumıslarǵa toqtap ótip, kelgen miymanlarǵa fakultet haqqında, 2022/2023 oqıw jılında pitkeriwshiler haqqında maǵlıwmatlar berip ótti.

Shımbay rayonına qaraslı 38-sanlı mektep direktorı G.Abdullaeva sòzge shıģıp, bàrlıq pitkeriwshi studentlerge dàslep jaqsı nàtiyjeler menen pitkerip shıģıwına tilekles ekenlenligin aytıp, onnan soń ózi islewshi mektep haqqında, mektepte jaratılģan keń imkanyatlar haqqında atap òtti. Bul mektepte 2000 nan aslam oqıwshılar bilim alıp, tiykarın rus tilinde oqıwǵa qàniygelesken mektep bolıp, ximiya, biologiya, fizika sıyaqlı sabaqlardan rus tilinde sabaq beriwshi qàniygelerdiń jùda kerek ekenligin hàmde òz qàniygeligin jaqsı meńgergen student jaslar bolsa olardı àlbette jumıs penen tàmiynleniein  atap òtti.

Bunnan soń Qaraqalpaq Màmleketlik Universiteti akademiyalıq licey metodisti A.Yusupov sòzge shıģıp, pitkeriwshi kurs studentlerine muǵallimshilik degen kásip ùlken juwapkershilikti talap etiwin, buģan biyparıq bolmastan juwapkershilik penen qaraw kerek ekenligin aytıp, akademiyalıq licey haqqında tolıq maǵlıwmat berdi. Ol jerde jumıs islewshi hàr bir qàniygeden kùshli bilim talap etiletuģın, ol jerde bilim alıp atırģan oqıwshılardıń bilim dárejesi kúshli ekenin, ótken oqıw jılında licey pitkeriwshileriniń joqarı oqıw ornına kiriw kórsetkishi 82% bolǵanlıǵın, bunday nátiyjege erisiw ushın licey oqıtıwshılarına qoyılatuǵın talap júdá kúshli ekenligin aytıp ótip, jaqsı ziyrek studentlerdi liceyge islewge shaqırdı.

Universitet marketing xızmeti bòlimi qàniygesi F.Maqhsetov pitkeriwshi kurs studentlerin jumısqa jaylastırıw boyınsha universitet tárepinen bir qansha jumıslar alıp barılıp atırǵanlıǵın, universitet, student hám jumıs beriwshiler arasında dúziletuǵın ùsh tàrepleme shàrtnamalarıń òz waqtında hám durıs toltırılıwınnıń zàrùr ekenlgigi haqqında, universitet basshıları tárepinen jaqın kúnlerde ótkeriliwi rejelestirilip atırǵan miynet yarmarkasına studentlerdiń belsene qatnasıwı kerekligin atap ótti.

Fakultet professor oqıtıwshıları Z.Uzaqbergenova hàmde A.Sharipovalar sòzge shıģıp, berilip atırģan usınday imkanyatlardan keńnen paydalanıp, hàr bir pitkeriwshi òz imkanyatıńızdı sınap koriw kerekligin, waqıttı bosqa jibermew kerekligi hàm endilikti 4-kurs pitkewishi jaslarınıń pedogogiklıq àmeliyatların rayonlar kesiminde shòlkemlestiriw kerek ekenligin usınıs etti.

Ushırasıw qatnasıwshıları bùgingi kùnde màmleketimiz tàrepinen jaslardıń bilim alıwları ushın jaratıp bergen imkanyatlardan durıs hàm orınlı paydalanıwımiz kerek ekenligin, oqıwdı pitkergennen soń òz kàsibiniń mamanı bolıp, elimizdiń rawajalnıwna òz ùlesin qosatuģın qànigeler bolıp jetilisiwine barlıq jaslardı shaqırıp qaldı.

Ushrasıw sońında student jaslar òzleriniń qızqtırģan sorawlarına juwaplar aldı.

 

Ximiya-texnologiya fakulteti jetekshisi Nilufar Kuzdibaeva